Yeh rishta jo hamarey darmiyan hai
ajeeb khubsoorat sa ehsas hai yeh
na naam is ka, na pehchaan is ki
haqeeqat hai yeh magar aasmaan si
alfaaz sey na kabhi bayan ho
yeh sirf aankhon sey hi ayaan ho
aankh num ho kahin jo teri
chubun si uth-tee hai dil mein meray
khushi mujhay jo cho kay jaye
bikhrey muskaan laboun pey teray
azal sey shayad yahin kahin tha
mujhay pata tha na khabar tujhay thee
safar mein thuk kay kho bhi jayein
ehsas per yeh jawan rahey ga
yeh rishta jo hum sey azeem tur hai
teray meray darmiyaan rahey ga…

- from ” Kho na Jana” Copyrights Reserved