Bhool jayein tou aaj behtur hai
Silsilay qurb kay , judai kay
Bujh chukeen khawishon ki qandeelain
Lut chukey sheher aashnaee kay

Raayegan saa_uton se kiya laina
Zakhm houn, phool houn, sitaray houn
Mousumon ka hisab kiya rakhna
Jis nay jaisay bhi din guzaray houn

Zindagi say shikayetain kaisi
Ab nahin hein agar gilay thay kabhi
Bhool jayein ke jo hoa so hoa
Bhool jayein ke hum milay thay kabhi

Aksar auqat chahnay per bhi
Faaslon mein kumi nahin hoti
Baaz auqat janay walon ki
Wapsi se khushi nahin hoti

– Ahmed Faraz

Advertisements