Yeh sooraj kyon nikalta hai
gehray baadlon kay darmiyan
ek khamosh bucchay ko phir sey rulaaney ko
thukay haarey sey insaan ko , phir sey jagaaney ko
kayee masoom lougon ko ghalat rahein dikhaaney ko
umeedein reh gayee theen jo, unhein phir sey ganwaaney ko
yeh sooraj kyon nikalta hai….

Meray khawbon ko mujh sey cheen kay tum tou chalay jaatey
na hoti jo yeh shub ki siyahi, hum tou mur jaatey
adhoorey khawab , buhat si na-umeedein chor jaatey ho
andhairee raat kay phir tum hawaley karney aatey ho
sukoon jub aaney lagta hai, usay phir tour jaatey ho
meri in na-umeedon ko badalney, ab nahin aana
chamak do pal ki mujh ko dikhaaney , ab nahin aana
aye sooraj ab agar jao , na wapis lout kur aana
aye sooraj ab nahin aana…

– from ” Kho na Jana” Copyrights Reserved

Advertisements