Lamhon ka khail hai kuch
yeh zindagee hamari
yeh zindagee tumhari…

Mohabbaton ko talash kartey
idhar kabhi tou udhar gaye hum
rah mein tumhein jo paya
ba-rung-e bahaaran nikhar gaye hum
saansein bhi thum gayee theen
aankhein bhi jum gayee theen
rounuq si thee bikhairee
muskarahuton ney
badlee hoyee lagee thee
yeh zindagee hamari
yeh zindagee hamari….

Per saamney jo dekha
raahein hi bunt rahi theen
ek doosrey ki jaanib
nazrein chura kay dekha
baadal sey cha rahey thay
pulkein laraz rahi theen
do chaar haath ja key
tum mour mur gaye thay
hum souchtey kharey thay
ilzaam kis ko dein ab
rahi , jo na hein chaltey
rustey, jo hein badaltey
lamhey, jo lay gaye sub
lamhey, jo dey gaye kuch
kismet ka khail hai per
yeh zindagee hamari
woh zindagee tumhari

– from ” Kho na JanaCopyrights Reserved

Advertisements